Monaco prinsa Albert ja prinseassa Charlene seaivuba sotnabeaivve Heahtá girdišiljui.

Galledeamis Sámis prinsa earret eará áigu digáštallat dálkkádatrievdamiid boazodoallonuoraiguin.

– Sus lea stuorra beroštupmi dálkkádatáššiide. Danne sii leat bovden su Guovdageidnui. Nu čilge Riikkaidgaskasaš boazodoalloguovddaža direktevra, Anders Oskal.

Idjadeaba lávus

Olles gonagaslaš-bearrašis lea stuorra beroštupmi dálkkádatáššiide ja maid arktálaš guovllu dáhpáhusaide, nugo boazodoalu hástaluisaide, čilge Oskal. Danne leage prinsa Albert searvan digáštallamii boazodoallonuoraiguin, dálkkádathástalusaid birra.

Idjadeapme lávus, guođohit bohccuid, dálkkádathástalusaid digáštallat máilmmi boazodoallonuoraiguin, dat lea juoga maid gonagaslaš-párra galgaba golmma beaivves vásihit, go sotnabeaivve vuos seaivuba Sápmái, ja sii galget leat gergosat dasa, čilge Oskal.

Maiddái prinsa ja prinsessa dorvvolašvuođa birra leat vuđđolaččaŧ plánen, juoga maid Norgga gonagasdálus hálddašit, čilge Oskal.