| Boazodoalliide huksensajit Gilbbesjávrris |
| Written by Philip Burgess |
| Thursday, 02 October 2008 00:00 |
Viiddiduvvon huksenlávvii šaddet guhtta huksensajit boazodoalu ja luondduealáhusaid várás ja eará viessuhuksensajit logenár vissui. Dasa lassin šaddet maid turismafidnodagaid váráš huskensajit hukset idjadansajiid moddečuohtenári, lohká huksendárkkisteaddji Eino Mäkelä. Mäkelä atná viiddiduvvon huksenláva hohpolažžan, daningo gilis eai leat viessohuksensajit oažžun ládje oppanassiige. Son jáhkká BE-guovddáža juolludit gildii doarjagiid ollášuhttit gielddateknihka ođđa lávvaguovllus Gilbbesjávrri gili lulágeahčen. Mäkelä jáhkká láva boahtit fápmui juo jagi 2009 loahpas, jos váidalusat lávvanuppástusaid vuostá eai boađe dalle, go loahpalaš lávvašaddá almmolaččat oaidnin ládje boahtte jagi bealde. Boazodoalliid beroštupmi fárret orrut Gilbbesjávrai ii leat čielggas ja soapmasat eahpidit ná geavvat. Boazodoalli Antti Oula Juuso Gáijjot siiddas jáhkká sin siidda olbmuin leat gal beroštumi, daningo Gilbbesjávrris livččii ealu lusa lagat, go dáláš orrunviesuin Gárasavvonis. eanet/enemmän... Related Articles/Posts |