| Veikko Feodoroff nuortalaččaid ovdaolmmožin |
| Written by Yle Sami Radio |
| Friday, 10 October 2008 00:00 |
Nuortalaččaid dáláš luohttámušolmmos Veikko Feodoroff lea válljejuvvon joatkit nuortalaččaid luohttámušolmmožin čuovvovaš doaibmabaji. Sotnabeaivvi dollojuvvon válggas Feodoroff oaččui 113 jiena ja nubbi evttohas Sergei Kp. Fofanoff 69 jiena. Doaibmabadji álgá boahtte jagi álggus ja bistá golbma jagi. Jienastanproseanta leai válggas oktiibuot 39,3 proseantta. Njeavdán-Čeavetjávrri guovllus jienasteaddjit ledje 63,1 proseantta. Válgaboađus nannejuvvo odne, lohká válgalávdegotti jođiheaddji Toini Sanila. ... Related Articles/Posts |