| Boazoisit ii doala buorrin plánejuvvon buhtadusordnega geaŧkki dagahan boazováhagiin |
| Written by Philip Burgess |
| Thursday, 23 October 2008 00:00 |
Máilmmi luonddufoanda WWF, Bálgosiid ovttastupmi, Meahcceráđđehus, Fuođđo- ja guolledoalu dutkanlágádus ja Lappi fuođđogáhttenbire leat ovttas čujuhan Eana- ja meahccedoalloministeriijai ávžžuhusa geaŧkki boazodollui dagahan váhagiid buhtadusordnega ođastusas. Dálá buhtadusordnega vuođđunhan lea dušše geaŧkkegoddin bohccoid mearri. Dát vuogádat ii goit doaimma bures ja dál leatge guorahallojuvvon, mo buhtadusordnega sáhtášii ođasmahttit. WWF suodjalankordináhtor Petteri Tolvanen dadjá, ahte buhtadusaid geaŧkki dagahan boazovahágiin galggašii máksit boazodoalliide álo guovllu geatkenáli sturrodaga vuođul. Eanemusat geaŧkkit leat goddan bohccoid Giehtagierraga bálgosis. Nubbin bohtet Neakkela ja goalmmádin Muotkeduoddara bálgosat. Dáid bálgosiin geaŧkkit leat goddan bohccoid 103-422 jagi 2007. Giehtagierraga boazoisit Tuomas Palojärvi mielde buhtadusortnegii lea váttis gávdnat buorre čoavddusa. Dálá buhtadusordnega váttisvuohtan lea dat, ahte goddojuvvon bohccoid ii leat álo vejolaš gávdnat meahccis, iige álo čielgga gean bohccos lea jearaldat, go geaŧkkit lávet dávjá doalvut bohccoid bealjjiid ja oaivviid farus. Ođđage ordnet ii goit áinnas sin bálgosis doaimmašii datge menddo bures. Rádjeguovlluin ii leat makkárge ávki meroštallat geaŧkináli sturrodaga, go dat johtalit dohko maiddái Ruoŧas ja Norggas. Seammalágan ordnet leamaš geavahusas goaskimiid dagahan váhagiid buhtadeamis ja dás Tuomas Palojärvis eai leat menddo buorit vásáhusat: Doaimmaheaddjin Aletta Lakkala. Related Articles/Posts |