| Bohccot jápmán Lapin Liha áiddis |
| Written by Yle Sami Radio |
| Thursday, 13 November 2008 00:00 |
Àinnas golbma bohcco leat jápmán, ja ovcci leamaš bággu goddit Lapin Liha njuovahaga áiddis ikte. Bohccot jápme vejolaččat gárživuođa dihte. Šibitdoavttir finai njuovahaga áiddi luhtte ikte ja gávnnahii, ahte áiddis ledje leamaš menddo olu bohccot. Šibitdoavttir barggai áššis bolesii dutkanbivdaga ja boles finai báikki alde. Lappi leana šibitdoavttir Erja Unkila mielde áiddis ledje badjel 800 bohcco, go sadji livččii leamaš eanemustá 500 bohccoid. Unkila lohká, ahte golbma bohcco jápmet ja ovcci ledje nu heajos ortnegis, ahte daid lei bággu goddit. Njuovahaga njuovvanmášiidna lei bieđganan bearjadaga. Feaila lea dáhpáhuvvan das, go bohccot lea dolvojuvvon áidái jo bearjadaga, vaikko njuovaheami leamaš vejolaš joatkkit easka vuossárgga. Boles dutká dáhpáhusa ealliidsuodjalanrihkusin. Related Articles/Posts |