Albasiid oažžu bivdit eanet go ovdal

Welcome to the Reindeer portal

Albasiid oažžu bivdit eanet go ovdal

Written by Gáldu: Yle Sámi Radio

Friday, 14 November 2008 00:00

Albasiid oažžu bivdit eanet go ovdal daid boazodollui dagahan vahágiid dihte. Eana- ja meahcceodalloministeria lea addán mearrádusa, man mielde boazodoalloguovllus goddinlobit addojuvvojit eandalit dakkár alvasiidda mat goddet bohccuid.

Olles Davvi-Suomas alimuš lohpemearri lea 66. Dat lea eanet go Fuođđo- ja guolledoalu dutkanlágádusa evttohan mearri danin go albasiid boazovahjágat leat lassánan sakka.

Bivdoáigi lohpemeari siste lea juovlamánu álggus guovvamánu lohppii. Fuođđogáhttenbire sáhttá addit vahágiid vuođul goddinlobiid birra bivdojagi.

Ministeria árvvoštallá ahte albasat goddet dán jagi sullii 800 bohcco. Stáhtii máksinláhkái bohtet sullii miljonbeali euro vahátbuhtadusat boazodollui. Diibmá vahágat ledje sullii 300.000 euro.

Suomas leat dál sullii 1.500 albasa. Nálli lea laskan logi jagis guovttegeardásažžan.