| Sápmelaččaid lundui guoskevaš árbediehtu |
| Written by Gáldu: Yle Sámi Radio |
| Monday, 17 November 2008 00:00 |
Sápmelaččain lea olu árbevirolaš diehtu, mii guoská luonddu, ja dat lea sirdášuvvon sohkabuolvvas nubbái, lohká dutkki Elina Helander-Renvall Arktalaš guovddáža arktalaš eamiálbmogiid ja sámi dutkamuša kantuvrras. Àrktalaš stáhtain lea goit stuorra váilevašvuođat eamiálbmogiid árbevirolaš dieđu suodjaleamis. Dieđu seailumii váikkuhit earret eará váttisvuođat, mat gusket nationalaš lágaid ollašuvvama, eanangeavahusa, dálkkádatrievdama ja eahpečielggasvuođa árbedieđu oamastanvuoigatvuođain. Helander-Renvall ja dutkki Inkeri Markkula leaba dahkan dutkamuša, man mielde Suomas livččii dehálaš doarjut eamiálbmogiid árbevirolaš dieđu sirdima ovddosguvlui. Suomas dárbbašuvvo earenoamaš diehtojuohkima ja skuvlejumi árbedieđu birra sihke sámi guovlluin ja dan olggobealde. Lassin Suoma sámi guovlluin sáhtášii smiehttat, mo eamiálbmogiid bassibáikkiid, báikkalaš ealáhusaid, sihke árbevirolaš dieđuid ja dáidduid galggašii váldit vuhtii, go meroštallojuvvo sierralágan prošeavttaid váikkusaid birrasii. Suomas máŋggat lágat, ovdamearka dihte láhka Sámedikkis, luonddusuodjalanláhka, meahcceláhka, eanangeavahus- ja huksenláhka, sihke Meahcceráđđehusas ásahuvvon láhka, gáibidit, ahte maiddái sámiid kultuvra váldojuvvo Suomas vuhtii. Related Articles/Posts |