| Sámediggi ii leat geargan válbmet cealkámuša ruvkeláhka-árvalusa birra |
| Written by Yle Sámi Radio |
| Wednesday, 03 December 2008 00:00 |
Mearreáigi addit cealkámusaid dievai mannan vahkus. Sámedikki sátnejođiheaddji Klemetti Näkkäläjärvi lea mánnodaga máhccan luomus iige son diehtán cealkámuša válbmemis eará go dan, ahte Sámedikki bealis livččii ohccojuvvon lassiáigi addit cealkámuša Bargo-ja ealáhusministeriai. Eahpečielggas leai maid dat, leago giige válbmen čealkámuša, daningo láhkačálli Aimo Guttorm lea leamaš maid eret barggus. Áššemeannudeaddji Kati Eriksen mielde Sámediggi lea ožžon lassiáiggi gaskavahkuiđida rádjái, muhto válbmenbarggus songe ii diehtán dađi eanet. Láhkačálli Aimo Guttorm lea galgan máhccat bargui odne mánnodaga, muhto su telefonnummir ii vástit. Eriksen lohká goit, ahte son ii leat ožžon dieđuid das, ahte láhkačálli ii leat barggus. Related Articles/Posts |