|
Meahcceráđđehus ii vuovdde rievssatlobiid dálvebadjái muhto baicce beatnagiid skuvlenlobiid |
|
Written by Yle Sámi Radio
|
|
Tuesday, 09 December 2008 00:00 |
Meahcceráđđehus ii vuovdde davás smávvafuođđolobiid dálvebadjái 2009. Mearrádusa duohken lea rievssatnáli unnon. Ulbmil lea geahččalit ealáskahttit rievssatnáli nu johtilit go vejolaš. Rievssatnálli lea dál fuotni oppa Skandinávias. Maiddái máŋggaid eará lottiid mearit leat geahppánan. Meahcceráđđehus rávve meahcásteaddjiid bivdit smávvabeađuid. Meahcceráđđehus mieđiha goittot spiehkastahkan beatnaga skuvlenlobiid davás boahtte dálvve. Beatnaga skuvlenlobiid sáhttá diđoštallat Meahcceáđđehusa Davvi-Sámi bálvalanbáikkiin.
|
