| Norggas: Eai gáibit divat- ja vearrogeahpideami- Norja: Ei vaadita maksu tai verohelpotuksia |
| Written by Ávvir |
| Thursday, 05 February 2009 00:00 |
Goasii botkeje šiehtadallamiid Divat- ja vearrogeahpidanášši lei nu stuora ášši diimmá boazodoallošiehtadallamis ahte NBR goasii botkii šiehtadallamiid. – Diimmá boazodoallošiehtadallamiin geavaheimmet olu áiggi dan áššái. Dán jagi mii leat vuoruhan eambbo áiggi eará dehálaš áššiide, dadjá Sara, muhto sii eai leat vuollánan ovddidit dán ášši. Bidje johtui divat- ja vearrojoavkku Njuolga maŋŋel go Norgga ráđđehus almmuhii Stádabušeahta diibmá, čoahkkinasttii Guovdageainnu Johttisámiidsearvvi divat- ja vearrojoavku Norgga finánsalávdegottiin. Finánsalávdegoddi lea lávdegoddi gos buot Norgga bellodagain leat áirasat. Lávdegoddi vuostái váldá cuiggodemiid mat gusket stádabušehttii, mat árvvoštallojuvvojit Stádabušeahta dárkkisteamis giđđat. – Mii válddiimet oktavuođa finánsalávdegottiin geaidda mii cuiggodeimmet ahte boazodoallu ii leat váldon vuhtii beassat eret divat- ja vearrogoluin nu go eará ealáhusat, lohká Sara. Rievttes ossodat Sara oaččui buriid cealkámušaid lávdegottis ja sus leat stuora vuordámušat go stádabušeahtta dárkkistuvvo. – Finánsalávdegoddi celkkii ahte mii leat boahtán rievttes ossodahkii. – Sávan ahte eiseválddit váldet vuhtii divat- ja vearrogeahpideami boazodollui go stádabušeahtta dárkkistuvvo, sávvá son. Eai dohkket ealáhussan Boazoealáhus lea geavvan gillát eará ealáhusaid ektui. Stuorimus sivva dasa lea go Norgga eiseválddit eai dohkket boazodoalu ealáhussan. Eará ealáhusat nu go ovdamearkka dihte boanddat ja guollebivdit eai dárbbaš máksit ovttamearalaš divada bensiinnas ja ođđa mohtorfievrogávppašeamis. – Boazodoallit ožžot ruovttoluotta momssa, muhto ovttamearalaš divada eai oaččo. Manne eiseválddit eai dohkket boazodoalu ealáhussan lea ártet. In sáhte ipmirdit dan. Eanandoallo- ja biebmodepartemeanta orru dego garvimin dien gažaldaga, lohká Sara. Gáldu/lähde : Related Articles/Posts |