2007s álggahuvvui ovttasbargoprošeakta gaskal International Centre for Reindeer Husbandry ja Boazoealáhusa Nissonfierpmádaga. Prošeavtta namma lea “Birgen- boazoealáhusa árbevirolaš máhttu ja oahpaheapmi”. Prošeavtta jođiheaddji Riikkaidgaskasaš Boazodoalloguovddážis lea Karen Inga Kemi. Birgen prošeakta lea aitto almmuhan rapporta 1.áigodagas skábmamánu 1.beaivve rájes gitta geassemánu 30.beaivve rádjai.

Prošeavtta ulbmilat leat:

-Nannet olles bearraša birgenlági boazoealáhusas.

-Čohkket boazoealáhusa árbevirolaš máhtu ja čehppodaga

-Nannet árvvu ja fuomášuhttit boazoealáhusa nissonolbmuid bargguid ja doaimmat ealáhusas.

-Ovdánahttit ja ealáskahttit boazoealáhusa nissonfierpmádagaid.

Dat vuosttaš áigodat lea leamaš álggahan áigi. Prošeakta lea leamaš mielde lágideame ea.ea. Boazoálbmogiid kongreassa ,semináraid ja lea muđui leamaš mielde eará lágidemiin. Prošeavtta ovddasteaddjit leat duhtavaččat bohtosiiguin dán rádjai ja háliidit joatkit álggahuvvon doaimmaid ja bargguid prošeavttas.

Related Articles/Posts

EALÁT, ICR, BIRGEN to Present...

BIRGEN Project Report Released...

NBR Meeting - First Photograph...

BIRGEN: Tradisjonell kunnskap ...