|
Birassuodjaleaddit váillahit nuppastusaid ruvkeláhkii |
|
Written by Yle Sámi Radio
|
|
Wednesday, 03 December 2008 00:00 |
Suoma luonddusuodjalanlihtu mielas Suomas dárbbašuvvo áibbas ođđa ruvkelahka, vai ovttaskas olbmuide gullevaš vuođđolágalaš rievttit galget ollášuvvat.
Ruvkelahka galggašii divvojuvvot ja heivehuvvot oktii ja ovtta dássái eará biraslágaiguin, lohket birasuodjaleaddjit.
Bargo- ja ealáhusministerias válbmejuvvon láhkarievdadus lohpida goit juoga vearddi buorádusaid olbmuid vejolašvuođaide váikkuhit ruvkkiid vuođđudeapmái.
Ruvkelobiid meannudeapmi galggašii goit sirdojuvvot ollášit biraslohpedoaimmahagaid bargun, oivvildaSuoma luonddusuodjalanlihttu. Maiddái dálaš ruvklobiid eavttut galggaše divvojuvvot vástidit otná beaivvi gáibádusaid.
Erenomaš váttisvuođat šaddet ruvkeprošeavttain, main urána šaddá liigeboađusin.
Dábálaš ruvkket dagahit dearvvasvuohtariskkaid seamma ládje go unránaruvkket. Dákkar ruvkeprošeavttat leat maid Sámi leanas e.e. Sokli ruvkeprošeaktaSavukoskis ja Saattopora ja Pahtavuoma ruvkket Gihttelis.
|
|
|
Sámediggi ii leat geargan válbmet cealkámuša ruvkeláhka-árvalusa birra |
|
Written by Yle Sámi Radio
|
|
Wednesday, 03 December 2008 00:00 |
Suoma Sámediggi ii leat váttis bargodiliidis dihte geargan válbmet iežas cealkámuša ruvkelága nuppástuhttinárvalusa birra.
Mearreáigi addit cealkámusaid dievai mannan vahkus.
Sámedikki sátnejođiheaddji Klemetti Näkkäläjärvi lea mánnodaga máhccan luomus iige son diehtán cealkámuša válbmemis eará go dan, ahte Sámedikki bealis livččii ohccojuvvon lassiáigi addit cealkámuša Bargo-ja ealáhusministeriai. Eahpečielggas leai maid dat, leago giige válbmen čealkámuša, daningo láhkačálli Aimo Guttorm lea leamaš maid eret barggus.
Áššemeannudeaddji Kati Eriksen mielde Sámediggi lea ožžon lassiáiggi gaskavahkuiđida rádjái, muhto válbmenbarggus songe ii diehtán dađi eanet.
Láhkačálli Aimo Guttorm lea galgan máhccat bargui odne mánnodaga, muhto su telefonnummir ii vástit.
Eriksen lohká goit, ahte son ii leat ožžon dieđuid das, ahte láhkačálli ii leat barggus.
|
|
Written by Yle Sámi Radio
|
|
Wednesday, 03 December 2008 00:00 |
Jieŋat leat Lappi čázádagain vel báikkuid rašit. Lappi gádjunlágádusa mielde jieŋat leat jávrriin assámusat 15 sentte. Johkajieŋat leat fas asehaččamusat moadde sentte.
Jiekŋuma njoahcudit geasi ja čavčča arvvit. Jieŋaid alde johttit galget váldit vuhtii vára čalgamis, muittuhit gádjunlágádusas.
|
|
Bohccobierggu namas riidu Suoma ja Ruoŧa gaskkas |
|
Written by Yle Sámi Radio
|
|
Wednesday, 03 December 2008 00:00 |
Suopma ja Ruoŧŧa nákkáhallet bohccobierggu namas. Bálgosiid ovttastupmi ozai njeallje jagi dassái EU:s álgobuvttamearkka Lappi bohccobirgui.
Eana- ja meahccedoalloministeria mielde ruoŧŧelaččat eai dohkket Suomas buvttaduvvon bohccobirgui Lapin poronliha dahje Renskött från Lappland -nama.
Ruoŧŧelaččaid mielde namma ii heive dasgo Ruoŧasge lea Lappi. Ruoŧŧa lea evttohan namman Suomen Lapin Poronliha. Suoma ministeria ráđđádalli virgeolmmoš Maija Heinonen ii jáhke ahte ođđa namma dohkkešii EU komišuvdnii.
Oassebealit ráđđádallet áššis dán mánu gaskkamuttus. EU komišuvdna mearrida Lappi bohccobierggu namas boahtte giđa.
|
|
Boles lasiha mohtorgielkkáin vuodjima bearráigeahču |
|
Written by Gáldu: Yle Sámi Radio
|
|
Wednesday, 03 December 2008 00:00 |
Peräpohjola boles lasiha ja čavge boahte jagi bealde meahccejohtolaga, ovdamearkkan mohtorgielkkáin vuodjima bearráigeahču eandalitge duottarguovddážiin.
Boles bearráigeahčča dan lassin gielkkáin vuodjima maiddái čoahkkebáikkiin sihke eará meahcceguovlluin, jus dárbu lea.
Jahkemolšuma maŋŋá Lappi juhkojuvvo guovtti bolesbiirii, main Peräpohjola bolesbire guoská oarjeráji Simos gitta álo Gilbbesjávrái. Maiddái Gihttel gullá dasa.
|
|
|
|
|
<< Start < Prev 11 12 13 14 15 16 17 18 19 20 Next > End >>
|
|
Page 18 of 31 |
