|
Čeavetjávrri guovllu eanageavaheami plánenbargu ovdána |
|
Written by Philip Burgess
|
|
Thursday, 02 October 2008 00:00 |
Čeavetjávrri guovllu boahttevaš eanangeavaheapmái guoskevaš prošeakta ovdána Oulu universtieahta arkiteaktaossodaga ja Anár gieldda ovttasbargun.
Čielggadanproseavtta ulbmilin lea čohkket báike- ja servodatdieđuid planabarggu vuođđun.
Čielggadanbarggus leat mielde maid báikkálaš olbmot ovttasbarggus arkiteaktaoahppiiguin dán čavčča.
Vuosttas bohtosat galggašedje biddojuvvot golggotmánus internehttii kommeanttaid várás, lohká Oulu universiteahta arkitektuvrra professor Helga-Liisa Hentilä.
eanet/enemmän...
|
|
|
Bohccuid gáldemii boahtimin ráddjehusat Ruoŧas |
|
Written by Minna PE Näkkäläjärvi
|
|
Thursday, 02 October 2008 00:00 |
Ruoŧas áigot ráddjet bohccuid gáldema. Ruoŧa ráđđehus lea mearridan eanadoallodoaimmahaga válmmaštallat láhkarievdadeami, mii gielddášii varisbohccuid gáldema almmá jámihanboahkohusa.
Seammás čielggaduvvo mo boazodoallit sáhtášedje gáldet bohcco dagatkeahttá eallái gillámušaid. Ruoŧa tv:a mielde sámenuoraid searvi vuostálastá plánejuvvon ráddjehusaid. Árbevirolaš boazodoalus gáskojuvvon dahje gáldejuvvon
varisbohccot leat dábmojuvvon vuojánin.
Ruoŧa eanadoallodoaimmahaga árvalus láhkarievdadeamis gárváneaš boahtte jagi álggobealde.
eanet/enemmän...
|
|
Norgga bohccuid buktinlohpi Ohcejohkii ain eahpesihkar |
|
Written by Eino Kuokkanen
|
|
Thursday, 02 October 2008 00:00 |
Gálddoaivvi njuovahat Ohcejogas ii leat velge fidnen vástádusa gažaldahkii oažžugo dohko buktit bohccuid Norgga bealde almmá ahte njuovahat gártá máhcahit EU-doarjagiid.
Finnmárkku stuorámus boazo-oasti Thor Åge Pedersen livččii beroštuvvan njuovahit bohccuid juobe duháhiid mielde Ohcejogas.
EU-doarjja goit hehtte gieđahallamis uniovnna olggobealát bohccuid. Ráddjehus lea fámus vel njeallje jagi. Spiehkastatlohpi lea ain barggu vuolde BE-guovddážis, muitala njuovahaga ráđđehusa várreságajođiheaddji Inger Länsman:
Buvttášii barggu Ohcejohkii
Njuovahaga doaimmajođiheaddji Arvi Länsman sávvá ahte bálgosa buot badjeolbmot buvttášedje bohccuideaset iežaset njuovahahkii eaige doalvvoše daid šat guhkkelabbui. Ná bargu bisošii Ohcejogas ja fitnodat birgešii buorebut:
Njuovahat sáhtášii gieđahallat ovtta beaivvis 300 bohcco ja njuovvit maid leat fidnemis, muitalii Länsman. Mannan njuovvanbajis njuovahagas gieđahalle 1.500 bohcco.
Njuovahat ii bajit njuovvanhatti. Dat lea ain 22 euro plus álv. ovtta rohpis. Golggotmánu áigge njuovahat máksá duoljis 5 euro.
Doaimmaheaddjin Eino Kuokkanen
eanet/enemmän..
|
|
Lapin Liha oastá stuorra oasi njuovvanbohccuin Bátneduoddaris |
|
Written by Minna PE Näkkäläjärvi
|
|
Thursday, 02 October 2008 00:00 |
Roavvenjárgalaš Lapin Liha-oassesearvi oastá stuorra oasi njuovvanbohccuin Bátneduoddara bálgosis dán jagi. Biergogilo haddi lea 6,15 euro oktan árvvulassevearuin.
Measta bealli 2000-2500 njuovvanboazomearis manná vuovdemassii njuoggogávppi bokte.
Čohkkenbarggut galggašedje álgit boahtte mánu álggus, muitala boazoisit Jouni Lukkari.
eanet/enemmän...
|
|
Ovddeš boazoisidat ja stivra jotket Bátneduoddaris |
|
Written by Minna PE Näkkäläjärvi
|
|
Thursday, 02 October 2008 00:00 |
Bátneduoddara bálgosa čakčajoahkkin lea válljen ovddeš stivrra joatkit čuovvovaš golmma jagi doaibmabaji.
Boazoisidin joatká Jouni Lukkari ja várreboazoisidin Lauri Lehtola.
Eara lahttun stivrras jotket Biret Inga Magga, Martti Kiviniemi, Juha Vest ja Jarmo Haataja.
|
|
|
|
|
<< Start < Prev 21 22 23 24 25 26 27 28 29 30 Next > End >>
|
|
Page 30 of 31 |
