|
Eamiálbmogiid kulturárbi-seminára Roavvenjárggas |
|
Written by Philip Burgess
|
|
Friday, 10 October 2008 00:00 |
Eamiálbmogiid kulturárbi-seminára Roavvenjárggas
Sámiráđđi ordne álbmogiidgaskasaš áššedovdiseminára eamiálbmogiid kulturárbbi vuoigatvuođain 27.-28.10. Roavvenjárggas Lappia-dálus.
Eamiálbmogiid ovddasteaddjit čoahkkanit vuosttas háve máilmmeviidosaččat suokkardit kulturárbáseaset gullevaš áššiid.
Áššedovdit logaldallet árbedieđus, immateriála vuoigatvuođaide guoski riikkaidgaskasaš lágain ja soahpamušain ja eamiálbmotorganisauvnnaid barggus.
Semináras ovdanbuktojit oaivilat ja vásáhusat eamiálbmogiid kultuvrra suodjaleamis. Dasa lassin guorahallo mo ovdánit áššiin ja man lahkai lágain lea veahkki.
Ovdan maid Lappi turismaindustria
Oktan áššin lea Lappi turismaindustria ja sámekultuvrra boastut geavaheapmi. Ulbmil lea gávdnat positiivvalaš vugiid eastit boasttogeavaheami.
Roavvenjárgga seminára lea rabas buohkaide. Dat lea oassi Sámi kulturárbi-temávahkus mii joatkašuvvá sámiid 19. konfereanssain.
Semináras logaldallet earret eará:
Merle Alexander, James Anaya (UN Special Rapporteur on the situation of human rights and fundamental freedoms of indigenous peoples), Joji Carino (Tebtebba Foundation), Jannie Lasimbang (KDCA Sabah), Les Malezer (Chair of the Indigenous Caucus to the UN Declaration on the Rights of Indigenous Peoples), Piia Nuorgam, Tarcila Rivera-Zea, Mililani Trask, Laile Susanne Vars, Wendt Wendland (WIPO) ja Mattias Åhren (Saami Council)
Vahku prográmma ja lassedieđut Sámiráđi ruoktosiidduin www.saamicouncil.net.
Eanet/enemmän...
|
|
|
Muotkeduoddaris leat liiggás geatkkit |
|
Written by Yle Sami Radio
|
|
Friday, 10 October 2008 00:00 |
Muotkeduoddaris leat liiggás geatkkit
Muotkeduoddara bálgosa mielas geatkkit ja maid guovžžat leat liiggás ollu Muotkeduoddaris.
Geatkemearri galggašii meroštallojuvvot diehto dássái ja lohku bisuhuvvot dan dásis bivdduin.
Ášši lea boahtán ovdan bálgosa ásahan bargojoavkkus, mii lea válbmen bálgosa bealis cealkámuša Muotkeduoddara erámáguovllu geavahanplána birra.
Cealkámušas bálggus árvala maid nuppástusaid spirevahgiid buhttadanordnegii. Geatkevahgat galggašedjemáksojuvvot boazodollui geatkelogu mielde seamma ládjego goaskinvahagiid buhttadeamis.
Ná bargojoavkku lahttu,Muotkeduorrara bálgosa ruhtadoalli Olli-Veli Nuorgam.
|
|
Veikko Feodoroff nuortalaččaid ovdaolmmožin |
|
Written by Yle Sami Radio
|
|
Friday, 10 October 2008 00:00 |
Veikko Feodoroff nuortalaččaid ovdaolmmožin
Nuortalaččaid dáláš luohttámušolmmos Veikko Feodoroff lea válljejuvvon joatkit nuortalaččaid luohttámušolmmožin čuovvovaš doaibmabaji.
Sotnabeaivvi dollojuvvon válggas Feodoroff oaččui 113 jiena ja nubbi evttohas Sergei Kp. Fofanoff 69 jiena.
Doaibmabadji álgá boahtte jagi álggus ja bistá golbma jagi.
Jienastanproseanta leai válggas oktiibuot 39,3 proseantta.
Njeavdán-Čeavetjávrri guovllus jienasteaddjit ledje 63,1 proseantta.
Válgaboađus nannejuvvo odne, lohká válgalávdegotti jođiheaddji Toini Sanila.
...
|
|
Pirjo Ilvesviita Mh fuođđodoalu guovlluhoavdan |
|
Written by Yle Sami Radio
|
|
Friday, 10 October 2008 00:00 |
Pirjo Ilvesviita Mh fuođđodoalu guovlluhoavdan
Servodatdiehtaga doavttir Pirjo Ilvesviita Roavvenjárggas lea nammaduvvonMeahcceráđđehusa luonddubálvalusaid fuođđodoalu guovlluhoavdan Sámi leanas.
Ilvesviita álggahabarggustis 24.11.2008.
Meahcceráđđusa luonddubálvalus vástida Meahcceráđđehusa almmolaš hálddahusbargguin.Fuođđodoalu hoavdda bargun leat meahcce- ja guollebivdoáššit, meahccejohtolahkii ja bivdobearráigeahččuid guoskevaš áššit.
Ilvesviita lea dutkan viidát suopmlaš bivdokultuvrra ja meahccebivdopolitihka.
Ilvesviita lea bargan ovdal leanaráđđehusas Roavvenjárggas, Roavvenjárgga universiteahta Árktalaš guovddážis ja BE-guovddážis.
|
|
Norgga bohccuid buktin ii ovdán jos njuovahat ii riskere EU-ruđaid |
|
Written by Yle Sami Radio
|
|
Friday, 10 October 2008 00:00 |
Norgga bohccuid buktin Ohcejohkii almmá EU-doarjagiid vejolaš máhcaheami ii ovdán mange láhkai EU-byrokratias. Doarjjaeavttuid geažil Lappi BE-guovddáš ii sáhte addit bohccuid buktinlobi.
Ievttá čoahkkima boađusin bázii dat ahte ášši ii ovdán, jos Gálddoaivvi boazonjuovahat ii váldde doarjagiid massima riskka ja buktigoađe njuovvanbohccuid Norggas.
Dan maŋŋá BE-guovddáš dahká vejolaš mearrádusa doarjagiid bearramis. Ja dan maŋŋá fas boazonjuovahat vejolaš váidalusaid. Áššis sáhttá šaddat jagiid proseassa.
Bohccuid buktin fitnodatčoahkkimii
Njuovahaga ráđđehusa ságajođiheaddji Aulis Nordberg dadjá ahte ráđđehus dahká boahtte čoahkkimis áššis evttohusa fitnodatčoahkkimii.
Fitnodat šaddá guorahallat gánnehago váldit dán riskka dan ektui man ollu Norgga bohccuid buktin ruđalaččat buoridivččii njuovahaga gánnehattivuođa. Buktin álggašii goit áramušta easka boahtte čavčča.
Leago dás mihkkige jirpmiid?
Norga, mii EFTA lahttun deavdá EU-njuolggadusaid measta buot oktavuođain uniovdnii, gehččojuvvui mannan doarjjabajis nu daddjon goalmmát riikan, mas čuovui eavttuide buktinráddjehus. Dál ođđa bajis dát ráddjehus lea sihkkojuvvon, dadjá Nordberg.
Su mielas njuovahat lea šaddan jierpmehis dillái. Gažaldat lea maiddái ollu ságastallon rádjeovttasbarggus.
Maiddái ossodathoavda Hannu Linjakumpu BE-guovddážis atná njuovahaga dili EU-doarjagiid ektui váidalahttin.
Njuovahat lea čadnojuvvon doarjjaeavttuide vel čuovvovaš njeallje jagi.
|
|
|
|
|
<< Start < Prev 21 22 23 24 25 26 27 28 29 30 Next > End >>
|
|
Page 28 of 31 |
