|
Goaskinvahágiid buhtadusat boazodollui sturrot |
|
Written by YLE Sami Radio
|
|
Thursday, 23 October 2008 00:00 |
Goaskinvahágiid buhtadusat boazodollui sturrot
Goaskimiid boazodollui dagahan vahátbuhtadusat sturrot. Buhtadusaid vuođđun lea rehkenastimiid mielde árvvoštallon vahágiid árvu, man stáhtaráđđi lea otne mearridan bajidit 23 euroin.
Ođđa buhtadusovttadat lea dás duohko 449 euro. Dat vuođđuduvvá bohccobierggu njuovvanhattiide jagiin 2005-2007.
Stáhtaráđđi árvvoštallá ahte goaskimiid dagahan boazovahágiin máksojuvvojit buhtadusat dán jagi oktiibuot sullii 345.000 euro. Submi vuođđuduvvá goaskimiid bessenrehkenastimiidda.
|
|
|
Viiddis ávžžuhus suodjalit geaŧkki ja buoridit boazovahágiid buhtadeami |
|
Written by Eino Kuokkanen
|
|
Wednesday, 22 October 2008 00:00 |
Viiddis ávžžuhus suodjalit geaŧkki ja buoridit boazovahágiid buhtadeami
Geaŧkki boazodollui dagahan vahágiid buhtadusortnega ođadeami galgá jođánit čielggadišgoahtit. Dasa lassin geaŧkedutkamuššii galgá juolludit lasi ruđa.
Dákkár ávžžuhusa leat ovttas čujuhan eana- ja meahccedoalloministeriai Máilmmi luonddufoanda WWF, Bálgosiid ovttastupmi, Meahcceráđđehus, Fuođđo- ja guolledoalu dutkanlágádus ja Lappi fuođđogáhttenbire otne Roavvenjárggas.
- Buhtadusaid geaŧkki dagahan boazovahágiin galggašii máksit boazodoalliide guovllu geaŧkenáli sturrodaga vuođul, dadjá WWF suodjalankoordináhtor Petteri Tolvanen. Su mielde dálá vuogádat ii doaimma bures go buhtadusa vuođđun lea dušše geaŧkki goddin bohccuid mearri.
Ođđa ortnega galgá guorahallat dárkilit
Bálgosiid ovttastumi boazorávvejeaddji Inga-Briitta Magga mielde buhtadusortnega galgá buoridit muhto dan galgá vuos guorahallat dárkilit. Goaskinvahágiid reviirabuhttenortnega ii sáhte njuolgga sirdit geaŧkevahágiidda.
- Dálá ortnegis lea váttisvuohtan dat ahte álo ii sáhte duođaštit gean bohccuid geaŧkki lea goddán go dat láve čiehkat oaivvi. Ná buhtadus manná bálgosii, dadjá Magga:
Geaŧkedutkamuša lasihemiin lea ulbmil čielggadit man ollu geaŧki goddá bohccuid jagis. Magga mielde geaŧkkit goddet beali buot beađuid goddin bohccuin.
Diibmá rehkenaste geaŧkki goddán 1.700 bohcco ja ovddit jagi 1.300. Mearri lea su mielde ain lassáneamen.
Suoma geaŧkenálli lea dál sullii 160. Dan dikšunplána lea válmmaštallamis.
Doaimmaheaddjin Eino Kuokkanen
|
|
Bohccoid parasihttadálkkodeapmai molssaeavttut |
|
Written by YLE Sami Radio
|
|
Wednesday, 22 October 2008 00:00 |
Bohccoid parasihttadálkkodeapmai molssaeavttut
Buot bohccot boahkuhuvvojit parasihtaid vuostá jahkásaččat bigálusaid oktavuođas. Ulbmilin lea veahkehit ealliid birget garra dálvve badjel ja buvttadit dearvvaš miesiid.
Boahkumat, maid šibitdoaktárat geavahit, leat goit divrrašat ja duollet dálle boazodoallu guovlluin leamaš váttisvuođat oažžut šibitdoaktáriid bigálusaidde boahkuhit bohccoid. Badje-olmmái Hannu Alava lea dutkan dáid váttisvuođaid ja smiehttan, sáhtášiigo bohccoid parasihttadálkkodeami dikšut boahkuhankápselain, maid livččii vejolašvuohta ásahit ealliid bealljipilttaide.
Alava lea ieš bargan pilttaid, maidda lea ásahan parasihttadálkasa. Son muitala, ahte su bohccoin eai leat leamaš parasihtat máŋgga jahkái ja son ii kekse áššiid makkárge eará čilgehusa, go ahte pilttadálkkodeapmi doaibmá ja das sáhtá leat maŋggajahkásaš váikkuhus.
Alava mielde dál lea gažaldat nu stuorra áššis boazodoalu dáfus, ahte hutkosa gánnehivččii doalvut ovddosguvlui. Su mielas seammalágan dálkkodeami sáhtašii geavahit maiddái ealbaboaruid vuostá.
Dutkanhoavda Mauri Nieminen fuođđo- ja guolledoalu dutkánlágádusas eahpida dalkáspilttaid doaibmama ja lea dan mielas ahte šibitdoaktárat bohtet vuostálastit dán, go badje-olbmát gárttašedje ieža fuolahit bohccoid dálkkodeamis. Nieminen mielde boahkkuheapmi lea ain buot sihkareamos vuohki oažžut bohccoidde suoji parasihtaid vuostá.
|
|
Slow Food - Ung renskötare från Purnu åker till Turin för att få inspiration - Slow Food - Nuori poronhoitaja Purnusta lähtee inspiraation hakuun Turiniin, Italiaan |
|
Written by Minna PE Näkkäläjärvi
|
|
Wednesday, 22 October 2008 00:00 |
Slow Food - Ung renskötare från Purnu åker till Turin för att få inspiration - Slow Food - Nuori poronhoitaja Purnusta lähtee inspiraation hakuun Turiniin, Italiaan
Renskötaren Johan Skogsfeldt, 30, från byn Purnu sydost om Gällivare är en representant för den samiska mattraditionen i italienska Turin den 23-.27 oktober. Johan Skogsfeldt tillhör en renägarfamilj och har nyligen bestämt sig för att försöka leva på rennäringen på heltid. Han reser till Turin med förhoppningen om att lära sig mer om hur kött kan förädlas. Han är en av 90 svenska kockar, producenter och forskare som deltar i organisationen Slow Foods internationella nätverksmöte.
- Jag vill lära mig att tillreda renköttet i möjligaste mån själv. Jag tänker börja tillverka Suovas och renkorvar, säger Johan Skogsfeldt.
Eanet/enemmän...
|
|
Written by Avvir
|
|
Wednesday, 22 October 2008 00:00 |
Boazodoallit eai dine gaskamearálaččat go 30 000 ruvnno unnit go sámi suohkaniid ássit. – Mun lean hui duhtavaš dainna, dadjá NBR-ovdaolmmoš Nils Henrik Sara.
Ávvir čálii ievttá aviissas Norgga boazodoalu orohagaid ovdaolbmuid dietnasiid, vearuid ja opmodagaid birra. Dat logut čájehit ahte gaskamearálaččat báhccá boazodolliin sihke dienas, vearru ja opmodat. Dainna lea NBR jođiheaddji duhtavaš.
– Orohatolbmuid ruhtadilli speadjalastá bures gaskamearálaš boazosápmelačča miehtá Norgga, dadjá Nils Henrik Sara.
Eanet/enemmän...
|
|
|
|
|
<< Start < Prev 21 22 23 24 25 26 27 28 29 30 Next > End >>
|
|
Page 24 of 31 |
