|
Norgga bohccuid buktinlobis čoavddus dán vahkus? |
|
Written by Yle Sámi Radio
|
|
Saturday, 11 October 2008 00:00 |
Norgga bohccuid buktinlobis čoavddus dán vahkus?
Gažaldat Norgga bohccuid buktimis Ohcejoga boazonjuovahahkii almmá EU-doarjagiid máhcaheami lea dáid beivviid oažžumin man nu lágan čovdosa.
Gálddoaivvi boazonjuovahat lea ohcan BE-guovddážis sierralobi buktit Norggas bohccuid njuovvanláhkái vai njuovahaga gánnehahttivuohta buorrána. Sierralobi oažžuma leat čielggadan Lappi BE-guovddážis farga olles jagi.
- Dál galgá vel ráđđádallat boazonjuovahaga ovddasteaddjiiguin, dadjá BE-guovddážis dálonguovloealáhusaid ossodathoavda Hannu Linjakumpu.
Finnmárkku stuorámus boazo-oasti Thor Åge Pedersen livččii beroštuvvan njuovahit bohccuid juobe duháhiid mielde Ohcejogas. Mannan njuovvanbajis Gálddoaivvi njuovahagas gieđahalle 1.500 bohcco.
EU-doarjja njuovahahkii lea badjelaš 400.000 euro. Dat lea 53 proseantta njuovahaga huksengoasttádusain.
Gáldu: Yle Sámi Radio
|
|
|
Näkkäläjärvi: Ođđa fuođđovahátláhka vealáha sámeboazodoalu |
|
Written by Yle Sami Radio
|
|
Friday, 10 October 2008 15:49 |
Näkkäläjärvi: Ođđa fuođđovahátláhka vealáha sámeboazodoalu
Sámediggi ii duđa ráđđehusa evttohussii ođđa fuođđovahátláhkan. Ságajođiheaddji Klemetti Näkkäläjärvi mielde evttohus vealáha sámeboazodoalu, lasiha bálgosiid válddi ja gáržžida boazodoalliid rivttiid.
Evttohus lea válbmejuvvon suopmelaš šilljoboazodoalu vuođul. Ealáhusa vigget doalvut ain eanet šibitdoallomállesaš doarjja- ja bearráigeahččo-ortnegii.
Buot lassin rivttes báiki vahátáššiide livččii lean POLURA - dahjege boazodoalu- ja luondduealáhusaid ruhtadanláhka, dadjá Näkkäläjärvi.
|
|
Bigálusat álgan buorránan biergohattiin |
|
Written by Yle Sami Radio
|
|
Friday, 10 October 2008 15:48 |
Bigálusat álgan buorránan biergohattiin
Bohccuid bigálusat leat álgán boazodoalloguovllu mátta- ja gaskaosiin. Boazodoallojahki lea álgán buriin mearkkain go biergohaddi lea badjánan ovddit jagi dásis dovdomassii. Vearuhis haddi badjeolbmui lea dál sullii 6,5 euro kilos.
Soađegili Sámi bálgosa isit Harri Hirvasvuopio atná haddelasáhusa oalle buorrin eandalit danin go boaldámuš lea divron nu garrasit.
Hirvasvuopio mielde biergohaddi ii goit sáhte dás olus loktanit, dasgo dat váikkuhivččii jo vuovdimii.
|
|
Johtolatdorvu: Koarta ja suodjegahpir buot njealjejuvllatvuoddjiide |
|
Written by Philip Burgess
|
|
Friday, 10 October 2008 00:00 |
Johtolatdorvu: Koarta ja suodjegahpir buot njealjejuvllatvuoddjiide
Johtolatdorvu gáibida vuodjinkoartta ja suodjegahpira bákkolažžan buot njealjejuvllatvuoddjiide. Johtolatdorvvu oktavuođahoavda Petri Niska Roavvenjárggas dadjá ahte njealjejuvllagiid galggašii registeret maid meahccegeavahusas.
Johtolatdorvu lea dál skuvlemin iežas njealjejuvllatáššedovdiid Roavvenjárggas. Johtolatdorvvu mielde skuvlejeaddjit sáhttet boahtteáiggis vástidit gažaldagaide njealjejuvllagiidda guoski mearrádusaid birra, ovdamearkan ahkerájiin ja suodjegahpira geavaheamis.
Skuvlejeaddji, Johtti poliissa bajitkomisario Marko Törmänen dadjá ahte njealjejuvllagiid registeren attášii dieđu das man ollu ja gos dat leat Suomas.
Árvvu mielde Suomas leat njealjejuvllagat sullii 80.000. Dain sullii 15.000 leat registaris.
Eanet/enemmän...
|
|
Geaŧke- ja alvvasnálit laskan guovttegeardásažžan |
|
Written by Minna PE Näkkäläjärvi
|
|
Friday, 10 October 2008 00:00 |
Geaŧke- ja alvvasnálit laskan guovttegeardásažžan
Fuođđo- ja guolledoalu dutkanlágádusa árvvoštallama mielde Suoma geaŧkenálli lea mannan dálvve 150-170 ealli.
Geŧkkiid árvvoštallon minimamearri lea guovttegearddáš veardidettiin jagi 1991 árvvoštallamii.
Árvvoštallan vuođđuduvvá eanas Meahcceráđđehusa ovttas fuođđogáhttenbiriiguin dahkan rehkenastimiidda sámeguovllus ja Kainuus.
Alvasat árvvoštallojit lean Suomas mannan dálvve1.350-1.500 ealli. Alvvasnálli maid orru measta duppalduvvan jagi 1994 maŋŋá.
Alvasat lea dál Suomas eanet go čuođi jahkái. Dain sullii 95 proseantta orrot boazodoalloguovllu máttabealde.
Eanet/enemmän...
|
|
|
|
|
<< Start < Prev 21 22 23 24 25 26 27 28 29 30 Next > End >>
|
|
Page 27 of 31 |
